Aktivistja e Partisë Socialdemokrate, Teutë Rrusta në profilin e saj në “Facebook” ka shpërndarë një pikturë të një artisteje me emrin “Orange Girl” ku shihen duke u puthur kryeministri i Kosovës, Albin Kurti me presidentin e Serbisë Aleksander Vuçiq.
Rrusta ka shkruar “tronditëse” kur e ka shpërndarë pikturën.
“Nga puthja pritet solemnitet dhe përnaltësim. Puthja është shprehje, por asnjëherë neutrale. Ajo merr kuptim varësisht kontekstit, ku dhe pse jepet. Historia shënon në arkiven e saj puthje nga momente dhimbjeje e lamtumirëse. Por historia njeh edhe puthjet e vëllezërisë apo edhe tradhëtisë. A do të jetë edhe kjo njëra ndër to?Dimensionet e pikturës: 3mx1.60m, pëlhurë”, shkruan në profilin e artistes “Orange Girl”
“Puthja vëllazëre socialiste” ka qenë një forme e veçantë e përshëndetjes. Një pikturë e ngjajshme ishte realizuar në Murin e Berlinit e ku figura kryesore ishin lideri sovietik Leonid Berzhnev dhe lideri i Gjermanisë Lindore Erich Honecker. /Telenews.al/