Sekretari i Këshillit të Sigurimit të Rusisë, Nikolai Patrushev, ka pohuar se NATO është pjesë e luftës në Ukrainë, sipas agjencisë së lajmeve Interfax.
Patrushev, ish-kreu i FSB-së, i cili ka mbajtur postin e sekretarit të këshillit të sigurisë që nga viti 2008, dihet se është një mik i ngushtë i Vladimir Putin, shkruan Skynews, transmeton Telenews.al.
Gazeta qeveritare Rossiyskaya Gazeta citoi Patrushevin të thoshte: “Në fakt, vendet e NATO-s janë palë në konflikt. Ata e bënë Ukrainën një kamp të madh ushtarak. Ata dërgojnë armë dhe municione për trupat ukrainase, u sigurojnë atyre inteligjencë”.
Ai ka akuzuar më parë Perëndimin për komplote të shumta, duke përfshirë “krijimin e një perandorie gënjeshtrash, që përfshin poshtërimin dhe shkatërrimin e Rusisë”, si pjesë e një plani të supozuar për “reduktimin e popullsisë së botës”.
Disa vëzhgues të Rusisë e kanë cilësuar atë si një pasardhës të mundshëm të Putinit.