Gazeta Sinjali raportoi sot me detaje për një incident që ka ndodhur të shtunën në mbrëmje, në një shtëpi në lagjen “Përroi i njelmët” në Prishtinë, ku anëtarët e një familje u kapën me hajnat që i zunë në flagrancë. Të dyshuarit nuk arritën ta kryenin vjedhjen, por iu shpëtuan prangave të Policisë. Ndërsa nga familja Krasniqi u arrestuan disa persona.
Burimet e Sinjalit kanë bërë me dije se deri më tash katër vëllezër nga familja Krasniqi janë prangosur, nën dyshimin për të shtënat me armë, që u dëgjuan gjatë konfrontimit, ndërsa hajnat nuk kanë arritur të kapen nga Policia.
Sipas informacioneve të para, me rastin e intervenimit nga ana e njësive policore, janë gjetur katër kallashnikovë dhe 1 mitrolez dore, që janë sekuestruar nga nga zyrtarët policorë që ndërhynë në shtëpinë e tyre, ku edhe ndodhi ngjarja.
Dëshmitë që u gjetën në shtëpinë e familjes Krasniqi do të përdoren si prova materiale për rastin, teksa disa persona janë vënë në pranga të Policisë, nën dyshimin për përfshirje në këtë rast.