Ismet Munishi ka lënë të nënkuptohet se sipas tij Prokuroria duhet të fillojë hetimet për ndeshjen mes Ferizajt dhe Dukagjinit.
Ish-trajneri i Prishtinës tha se e gjithë Kosova po flet për këtë ndeshje shumë të komentuar ditën e sotme.
‘’Krejt Kosova po flet, i madh e i vogël po flet për këtë ndeshje,’’ tha ai në emisionin ‘Dueli Sportiv’.
Ndeshja mes Ferizajt dhe Dukagjinit përfundoi me rezultat 2-1. Goli i realizuar në minutën e 104’të i Astrit Fazliut i siguroi barazhin ferizajasve.
Por, ky gol u shënua falë një gabimi të pafalshëm të portierit Altik Muhaxhiri që mori vëmendje të madhe të dielën në opininin futbolldashës në Kosovë.
Emisioni ‘Dueli Sportiv’ transmetohet çdo të diel nga ora 22:00 në RTV Dukagjini. Në vazhdim do të ketë edhe shumë risi të tjera përveç analizave të futbollit vendor.