Kryetari i LDK-së, Lumir Abdixhiku ka shpalosur programin e LDK-së për shëndetësinë.
Fillimisht ai ka premtuar 500 milionë euro investim për një spital të ri në vend të QKUK-së.
“Spitalin e Ri të Kosovës, investim 500 milionësh në një lokacion të ri, me një strukturë të re, me një model të ri. Pas ndërtimit të Spitalit të Ri, QKUK aktuale e ndërtuar qysh në vitin 1964 – pesë vite para se njeriu të shkonte në Hënë – do të rrënohet, pastrohet, për t’i liruar vendin kompleksit më të madh multikulturor të Kosovës, ku teatrot muzetë e sallat do të zënë vend ikonik!”, ka shkruar Abdixhiku.
Po ashtu ai ka premtuar funksionalizim të shërbimeve shëndetësore.
“Funksionalizimin e Fondit të sigurimeve Shëndetësore, me premiume 3.5% punëmarrësi dhe 3.5% punëdhënësi”, ka shkruar Abdixhiku.