Kryetari i Lidhjes Demokratike të Kosovës, Lumir Abdixhiku ka thënë mbi 40 mijë votues të kësaj partie në mërgim janë regjistruar për të votuar në zgjedhjet e 9 shkurtit.
Ai tha se me këtë fitorja e parë elektorale po merr formë.
Abdixhiku i ka falënderuar mbështetësit e LDK-së në diasporë dhe e ka quajtur këtë një ringritje e djathtë.
“Është e bukur, është freskuese, është vetë ndryshimi i kërkuar tash e sa kohë. Plot 105,000 të regjistruar, nga të gjitha etnitë; tani që kanë mbetur vetëm edhe një orë e gjysmë. Ju faleminderit secilit për angazhimin e treguar qytetar në këtë proces demokratik. Të 40 mijë mbështetësve tanë, ndërsa, të regjistruar deri në këto orë, ju faleminderit nga zemra që po shënoni hapin e parë në fitoren e parë elektorale! Fjalët më mbesin të mangëta për t’iu shprehur gjithë mirënjohjen tonë për ringritjen e djathtë tuajën. Por sonte, LDK ka festë! Nga nesër, ndiqni kanalet komunikuese tonat, strukturat tona, lidhjet tona, për votim. Sepse vota juaj është ndryshim! Ju faleminderit, plot 40 mijë herë! 
”, ka shkruar kreu i LDK-së.