Kryetari i LDK-së, Lumir Abdixhiku, ka shkuar për ngushëllime tek familja e së ndjerës Liridona Ademaj.
Abdixhiku, vrasjen e saj e ka cilësuar “ngjarje makabër”.
“Vrasja e Liridonës na ka tmerruar të gjithëve. Në emër të LDK-së i shpreh ngushëllime familjes, të afërmve e shoqërisë’’, është shprehur Abdixhiku gjatë vizitës për ngushëllime në Rracaj.
Kujtojmë që Liridona Ademaj u vra mizorisht të mërkurën e 29 nëntorit, ku burri i saj Naim Murseli është i dyshuar për organizimin e vrasjes së saj së bashku me Granit Plavën dhe Kushtrim Kokallën.