UEFA sot ka njoftuar se kampioni i Kosovës në futboll nuk do të ketë nevojë të luajë në rrethin parakualifikues të Champions League,
Kampioni i këtij sezoni do të luajë direkt në fazën kualifikuese.
Me këtë rast, kryetari i Federatës së Futbollit të Kosovës Agim Ademi, ka thënë se sivjet Kosova do të përfaqësohet nga katër klube në garat evropiane, tre nga kampionati dhe fituesi i kupës.
Ademi tha se kjo është dëshmi se futbolli kosovar po shënon ngritje.
“Përparimi i Ligës, përfaqësimi me më shumë klube në garat evropiane dhe rritja e cilësisë në kuadër të garimit tê brendshëm, është një tjetër deshmi se futbolli i Kosovës po shënon rritje në çdo aspekt, që është edhe mision kryesor i Federatës së Futbollit të Kosovës”.