Policia e Kosovës në koordinim me Prokurorinë Speciale të Kosovës kanë zhvilluar sot aksion në Pejë, që rezultoi me arrestimin e personave të përfshirë në veprimtari të kundërligjshme, raporton Gazeta Sinjali.
Siç merr vesh Sinjali, së paku dy persona janë prangosur deri më tani, të cilët kanë qenë cak i hetimit nga Prokuroria.
Në bazë të informacioneve të para, personat e arrestuar dyshohen për Fajde dhe Detyrim, si dhe vepra të kësaj natyre.
Rasti pritet të procedohet tutje dhe të ndërmerren veprimet e nevojshme.