600 zyrtarë policorë kanë marrë pjesë në aksionin e sotëm të Policisë dhe Prokurorisë Speciale kundër shkatërrimit të një grupi të krimit të organizuar të trafikimit me narkotikë.
Kështu ka bërë të ditur Prokuroria Speciale përmes një komunikate të lëshuar në Facebook.
Gjatë operacionit anti-drogë “Qielli i Thyer”, janë arrestuar 22 persona.
Personat janë arrestuar nën dyshimet për kryerjen e veprave penale “krim i organizuar”, në lidhje me trafikimin e narkotikëve dhe pastrimit të parave. Veprat penale, të pandehurit dyshohen se i kanë kryer përmes aplikacionit “SkyECC”.
Aksioni është zhvilluar në rajonin e Prishtinës, Prizrenit, Pejës dhe Gjilanit.