Ambasadori i Gjermanisë në Kosovë, Jorn Rohde, ka reaguar pas djegies së veturave me tabela në RKS në veri dhe mosdënimin e këtij akti nga Lista serbe.
Ai ka pyetur Listën Sërpska pse nuk po i dënojnë këto incidente, duke e quajtur si shqetësues këtë fakt.
“Pse? Shumë shqetësues fakti që Lista Serbe sërish nuk i ka dënuar zjarrvëniet në automjetet e qytetarëve. Të gjithë duhet të jenë të bashkuar në dënimin e kësaj praktike”, ka shkruar Rohde.
Ndryshe, Lista Serbe ka paralajmëruar rezistencë pas arrestimit të një të dyshuari për djegien e veturave.