Policia e Kosovës ka arrestuar të dyshuarin, i cili këtë të mërkurë ka goditur për vdekje me veturë një person në Pejë.
Zëdhënësi i Prokurorisë Themelore në Pejë, Shkodran Nikçi, ka konfirmuar lajmin për Dukagjinin, duke bërë të ditur se i dyshuari ka goditur viktimën me qëllime hakmarrjeje.
“Prokurori i krimeve te renda dhe Policia e Kosovës me njësitet relavante jane ne vendin e ngjarjes. Dyshohet se një këmbësor është goditur qellimshem nga nje veture. Viktima ka vdekur si pasoje e lëndimeve te shkaktuara nga goditja e veturës”, ka thënë Nikçi.
Ndërsa, me urdhër të prokurorit të shtetit është ndaluar për 48 orë për veprën penale “Vrasje e rëndë” me qëllim hakmarrjeje.
Vdes një person në Pejë, dyshohet se u godit qëllimisht me veturë