Agjenica e Statistikave të Kosovës (ASK) ka njoftuar se është regjistruar familja e komandatit legjendar, Adem Jashari.
Në njoftimin e ASK-së, thuhet se regjistrimi është kryer me sukses.
Kujtojmë se procesi i regjistrimit të popullsisë do të vazhdojë deri më 17 maj.
Njoftimi i plotë:
Familja Jashari mirëpriti regjistruesit e ASK-së
Kryefamiljari i familjes, z. Rifat Jashari me shumë kënaqësi hapi dyert dhe mirëpriti stafin e ASK-së për ta kryer Regjistrimin e Popullsisë (ReKos2024).
Familja legjendare, Jashari, përfunduan me sukses obligimin e tyre qytetar, e gjatë procesit nuk mungoi mirëpritja nga ana e tyre me ç’rast u falënderuan nga stafi i ASK-së për të cilët ka mbetur edhe shumë pak kohë deri në përmbylljen e këtij projekti.