Skuadra e Pejës e ka prezantuar sot edhe një transfer të ri të huaj.
Bëhet fjalë për fundorin kanadez, Devoe Joseph i cili është i gjatë 193 centimetra.
Lojtari në fjalë ka eksperiencë në Liga elite të ndryshime si ajo e Ukrainës (Khimik), Spanjës (Joventut Badalona), Turqisë (Turk Telekom, Banvit), Francës (Cholet), Izraelit (Maccabi Gat), Finlandës (Nokia) Mal i Zi (Buduçnost), Poloni (Slask Wroclaw), Rumani (Voluntari), dhe së fundi ishte pjesë e ekipit Enea Zastal të Polonisë.
Tek Enea Zastal, Joseph luajti në dy fronte në ligën vendase dhe në VTB League, ku në të parën luajti me mesatare prej 9.7 pikëve e në VTB u paraqit me 7.7 pikë për ndeshje.
Ai pritet që sot të i bashkohet ekipit pejan dhe ti ndihmojë tejet shumë në vazhdim të kampionatit.
Para pak ditëve te Peja u zyrtarizuan edhe dy lojtarë të huaj, Marvin Jefferson e Larry Thomas.