Telenews

BASKETBOLL / VËLLAZNIMI DHE PRISHTINA E RE E NISIN ”PLAY OFF”-IN E LIGËS SË PARË ME FITORE

Dje u zhvilluan ndeshjet e para të “Play-off”-it në Ligën e Parë të Meshkujve në basketbollin e Kosovës.
Vëllaznimi ka vazhduar me fitore edhe në “Play-off”, duke mundur Vushtrrinë me shifrat 106:67 (30:18, 28:15, 30:18, 18:16). Kuqezinjtë ishin më të mirë nga fillimi, duke qenë favoriti kryesor për të hyrë në elitën e basketbollit.
Përballje dramatike u zhvillua ndërmjet Prishtina e Re dhe New Basket, që u fitua në çastet e fundit nga prishtinasit me rezultat 72:71 (13:23, 16:15, 28:14, 15:19). Prizrenasit ishin më të mirë në periudhën e parë, 13:23, ndërsa perioda e dytë ishte e barabartë 16:15. Prishtinasit ishin bindshëm më të mirë në periudhën e tretë 28:14, ndërsa pesë sekonda nga fundi, Dion Haxhosaj shënoi tre pikësh, duke e vulosur sfidën në 72:71. Haxhosaj zhvilloi ndeshje të jashtëzakonshme me 41 pikë e 25 kërcime.
Vlen të ceket se në këtë ”play off”, skuadra që shënon dy fitore kualifikohet në finale.

Të ngajshme

Bad News Eagles sot në turneun kualifikues për në Brazil

Miftar Zejnullahu

Ndërron jetë ish-trajneri i Prishtinës Qiro Bllazheviq

Miftar Zejnullahu

Flamuri i Kosovës vendoset në stadiumin e Arsenalit

Miftar Zejnullahu