Telenews

Benzema i hesht yjet e Parisit, Reali përmbys gjithçka dhe kalon tutje

Ndeshje spektakolare u zhvillua sonte në “Santiago Bernabeu”. Real Madridi zhvilloi një pjesë të dytë fantastike për t’u kualifikuar në çerekfinalen e Ligës së Kampionëve.
Pasi humbën 1:0 në pjesën e parë, Real Madridi fitoi 3:1 për të kaluar tutje, falë hat-trikut të Benzemas
Pjesa e parë ishte e gjitha e Paris Saint-Germainit. Mysafirët kaluan në epërsi përmes Mbappes në minutën e 39-të të ndeshjes dhe për shumëkë ndeshja u konsiderua e mbyllur.
Dy gola diferencë ishte lehtë e menaxhueshme në mendjen e parisienëve, por ashtu nuk rezultoi në pjesën e dytë.
Ishte Karim Benzema që bëri tre gola për një përmbysje senzacionale të “Los Blancos”.
Por, pika e kthesës ishte gabimi amatoresk që e bëri Donnarumma në minutën e 61-të. Portieri italian nuk arriti ta largonte siç duhet topin dhe Viniciu përfitoi për të asistuar për Benzeman i cili shënoi për 1:1.
Në minutën e 76-të, Luca Modric tregoi se është mbreti i mesfushës ende duke asistuar për Benzeman i cili realizoi për 2:1.
Menjëherë në aksionin tjetër, Benzema realizoi për 3:1 dhe me rezultat të përgjithshëm 3:2, Real Madridi avancon në çerekfinalen e Ligës së Kampionëve.
Ndërkohë, Messi, Mbappe e Neymar mbeten jashtë garës më prestigjioze evropiane.

Të ngajshme

Pezullim, gjobë dhe shërbim ndaj komunitetit për Taulant Xhakën pas festës së titullit me Baselin

Valjeta Turkaj

“Nuk jam ndjerë kështu kurrë më parë”, reagimi i Hansi Flick pas titullit të Barcelonës

Erzana Fazliu

Ultrasit e Milanit e bojkotojnë klubin: Ju lëmë vetëm me turpin tuaj

KushtrimGuraj