Nënkryetarja e Partisë Demokratike të Kosovës, Vlora Çitaku ka reaguar pas vendosjes së sanksioneve nga SHBA-ja ndaj Kosovës.
Çitaku ka thënë që bashkërendimi me SHBA-në nuk është servilizëm e as nënshtrim por është vlerë dhe garancë.
“Bashkërendimi me SHBA-të është vlerë e krijuar me shumë mund. Nuk është as servilizëm as nënshtrim. Është garancë për të ardhmen.”, ka shkruar ajo në Facebook.
Ajo ka renditur raste në të cilat sipas saj, SHBA-ja e ka ndihmuar Kosovën.
“Kur ka vendosur të udhëheqë ndërhyrjen ushtarake të NATO-s kundër caqeve të forcave ushtarake dhe paramilitare të Serbisë në vitin 1999, SHBA-të kanë vënë në tavolinë jo vetëm tërë forcën e tyre ushtarake dhe politike. Kanë vënë në tavolinë edhe kredibilitetin e tyre.”, tha Çitaku.
“Njejtë, kur kanë shtyer përpara procesin e shpalljes së pavarësisë dhe fuqizimit të subjektivitetit ndërkombëtar të Kosovës, në tavolinë kanë qenë garancat amerikane.”
“Ngjashëm ka qenë pregaditja dhe mbrojta e Kosovës në Gjykatën Ndërkombëtare të Drejtësisë. “
“E transformimi i mandatit të FSK në ushtri kish me qenë i pamundur pa SHBA-të.”, shtoi ajo.
Tutje, nënkryetarja e PDK-së tha se kryeministri ka për detyrë fuqizimin e bashkëpunimit me SHBA-në dhe jo rrënimin.
Ndërkaq tha se Kosova nuk i takon një njeriu./Reporteri.net./
Postimi i plotë: