Sipas Christian Falk të Bild, Chelsea është në bisedime për një lëvizje verore për sulmuesin e Borussia Dortmund, Karim Adeyemi.
22-vjeçari është një objektiv afatgjatë për blutë që janë lidhur me të prej muajsh.
Napoli është gjithashtu në garë për sulmuesin gjerman dhe madje është i përgatitur ta nënshkruajë atë në janar, pasi ka rënë dakord për shitjen e Khvicha Kvaratskhelia te PSG.
Megjithatë, Dortmundi ka të ngjarë të rezistojë në janar pasi ata nuk duan të humbasin një aset të tillë në mes të sezonit.
Adeyemi prej kohësh është në lidhje me reperen shqiptare, Loredana Zefi.
Adeyemi së fundmi është rikuperuar nga një lëndim i rëndë që e la jashtë fushës për dy muaj e gjysmë.
Deri më tani, ai ka luajtur vetëm 10 ndeshje për Dortmundin këtë sezon, duke shënuar pesë gola dhe duke dhënë tri asistime.