Telenews

“Dita e Evropës në sytë e fëmijëve të Kosovës”, Zyra e BE-së hap ekspozitën e artit të fëmijëve

Me rastin e Ditës së Evropës, Zyra e BE-së në Kosovë ka organizuar një sërë aktivitetesh më temën “Përjeto Evropën”.

Aktivitetet kanë nisur me hapjen e ekspozitës së artit të fëmijëve, “Dita e Evropës në sytë e fëmijëve të Kosovës”.

Kjo ekspozitë është një koleksion i punimeve të nxënësve të 12 shkollave fillore nga të gjitha rajonet e Kosovës, të cilët përfaqësojnë komunitetet e ndryshme që jetojnë në Kosovë.

Gjatë muajit prill, përfaqësues të Zyrës së BE-së në Kosovë vizituan këto shkolla dhe diskutuan me fëmijët rreth BE-së, shteteve anëtare e vlerave që janë shtylla të BE-së.

Nxënës të klasave së 5-ta, të drejtuar nga arsimtarët e tyre të artit, punuan vepra artistike, pikërisht mbi këto vlera të BE-së, duke përcjellë përmes tyre vizionin e tyre për të ardhmen e Kosovës.

Ambasadori i BE-së në Kosovë, Tomas Szunyog, ka thënë se këto piktura i kanë shtuar ngjyrë kësaj feste.

Ai tha se pikturat që janë paraqitur të enjten në shtëpinë e Evropës, janë piktura të nxënësve nga të gjitha komunat e Kosovës.

“Kreativiteti juaj, vërtet i ka shtuar ngjyrë kësaj feste tonë. Dua të shpreh mirënjohje të thellë për të gjithë drejtorët e shkollave, mësuesit të cilët kanë ndihmuar me vizitat tona nëpër shkolla dhe na kanë mundësuar që t’i përfshijnë nxënësit gjithandej në Kosovë. Nga Prishtina në Janjevë, ne kemi vizituar 12 shkolla në regjionet e ndryshme të Kosovës dhe jemi përfshirë me anëtarët të ndryshëm të komuniteteve. Gjithëpërfshirja dhe dialogu janë vlera të BE-së dhe forca jonë mbështetet në diversitetin e kulturave tona, traditave tona dhe gjuhëve tona”, tha ai./EO

source

Të ngajshme

Një e mitur dyshohet se u sulmua seksualisht në Podujevë

Dorëheqja e Kurtit e vetmja zgjidhje për zgjedhje, thotë Rukiqi

Dyshohet se një grua u dhunua dhe u grabit në Gjilan