Telenews

“Do iki unë, ti do më zëvendësosh”, amaneti që Mirush Kabashi ia la vajzës së tij para se të vdiste

 

 

Mendi Kabashi, vajza e Mirush Kabashit që ndërroi jetë më 5 dhjetor tha se jeta e aktorit ka qenë mes skenës dhe familjes duke shtuar se pasuria më e madhe që u ka lënë pas ka qenë familja.

Gjithashtu ajo tregoi dhe amanetin e fundit që i ka lënë i ati, që të filloj rrugën në pasionin e saj, artin.

“Luftoi shumë deri në fund, luftonte për ne, për publikun. Skena ishte jeta e tij. Nuk ishte vetëm profesion por pjesa e jetës. Gjatë gjithë kohës ishte duke përsëritur tekstet, ishte shumë i apasionuar pas kësaj. Publiku ishte familja e tij e madhe. U jam shumë mirënjohëse të gjithëve që e kanë mbështetur. Për ne ai ka lënë pasurinë më të madhe në botë që është emri. Kemi qenë shumë të lidhur. Jeta e tij ndahej midis skenës dhe familjes. Me Mirushin nuk ishim vetëm babë e bij por ishim dhe shokë. Unë kam mësuar shumë nga ai. Mirushi thoshte gjithmonë duhet 99% punë dhe 1% talent”, tha ajo në emisionin “Profil” në Euronews Albania.

“Pasioni që përkushtohej dhe në gjëra të vogla , që e bëri atë një njeri shumë të madh. Ka qenë gjithmonë krenari e madhe sa herë thosha mbiemrin tim. Ne kuptoheshim pa folur. Unë artin e kam pasur shumë pasion por nuk e çova deri në fund ëndrrën time. Mirushi kishte tjera plane për mua dhe unë nuk doja ta mërzisja. Nuk jam bërë pishman, por kjo s’do të thotë se jam vonë. Deri në momentin e fundit më tha do iki unë por do jesh ti, ti do jesh ajo që do më zëvendësosh”, tha ajo.

 

Të ngajshme

Gërvalla tregon se a iu është drejtuar Kosova Serbisë për trupin e pajetë të Faton Hajrizit

Donat Hashani

Eksluzive: Dy të arrestuar për rastin e arratisjes së Faton Hajrizit

Donat Hashani

Pritja e mërgimtarëve nëpër pikëkalimet kufitare, kaq orë po zgjasin

Donat Hashani