Kryetari i enklavës serbe në Bosnje dhe Hercegovinë e quajtur Republika Serbe, Millorad Dodik, ka deklaruar se “Rezoluta për gjenocidin në Srebrenicë është humbje, mbi të gjitha, për politikën boshnjake dhe se kjo tregon se politika boshnjake është në anën e gabuar”, transmeton Paparaci.
“Duhet të kishte politikë marrëveshjeje me ne, jo bindje ndaj të huajve, amerikanëve dhe gjermanëve”, ka shkruar Dodik në një postim në rrjetin social Instagram.
Sipas tij, “ata janë me ta, sepse mendojnë se kështu do të bëjnë më të keqen serbëve”.
“Tani rezulton se nuk është kështu. Ne serbët duhet të themi – mjaft. Nuk kemi më asnjë arsye t’u besojmë atyre”, ka pretenduar Dodik.