Një aksident me fatalitet ka ndodhur sot në rrugën “Driton Islami” në Ferizaj, ku një veturë ka goditur për vdekje një grua, raporton Gazeta Sinjali.
Lajmin e ka konfirmuar zëdhënësi i Policisë Rajonale në Ferizaj, Kanun Veseli, i cili ka bërë të ditur se viktima ka humbur jetën në QKUK si pasojë e lëndimeve të rënda.
Ndërkaq, shoferi i veturës, i cili fillimisht ka ikur nga vendi i ngjarjes, është dorëzuar më pas në stacion policor.
I dyshuari që shkaktoi aksidentin është një 18-vjeçar dhe ndaj tij tashmë janë ndërmarrë veprimet e nevojshme.