Një rast i dhunës në familje është raportuar në Vushtrri, ku një grua ka denoncuar bashkëshortin për ushtrim dhune fizike dhe psikike.
Ngjarja ka ndodhur më 17 prill 2026 rreth orës 21:00, në rrugën “Rrustem Hyseni – Historiani”.
Siç mëson ekskluzivisht Sinjali, viktima A. H-B (35 vjeç) është paraqitur në Stacionin Policor në Vushtrri dhe ka deklaruar se pas një fjalosjeje, bashkëshorti i saj I. B (34 vjeç) e ka kapur për fyti dhe e ka shtyrë.
Si pasojë e dhunës, viktima ka pranuar tretman mjekësor në emergjencën e qytetit.
I dyshuari është ftuar të paraqitet në polici dhe, pas intervistimit nga njësia e hetimeve, me vendim të prokurorit kujdestar është ndaluar për 48 orë.
Rasti është iniciuar si “Dhunë në familje” dhe mbetet nën hetime.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.