Emir Sahiti ka shënuar në fitoren thellë të Hajdukut të Splitit ndaj Lokomotiva Zagrebit me rezultatin 4:0, për ndeshjen e vlefshme të xhiros së 28-të në Superligën e Kroacisë.
Sahiti realizoi një gol të bukur në minutën e 62-të për rezultatin 4:0. Për sulmuesin kosovar në 24 paraqitje ky ishte goli i tij i pestë dhe ka tre asistime.
Te Lokomotiva e Zagrebit ndeshjen e kompletoi Jon Mersinaj, derisa Indrit Tuci u inkuadrua në minutën e 46-të të pjesës së dytë.
Në bankën rezervë ishin edhe Hajdin Salihu dhe Art Smakaj. Për Hajdukun realizuan edhe Nikola Kaliniq, Filip Krovinoviq dhe Dario Melnjak.
Pas kësaj fitoreje, Hajduku i Splitit mban pozitën e tretë me 52 pikë. Lokomotiva e Zagrebit pozicionohet në vendin e pestë me 36 pikë. Emir Sahiti gjithashtu është lojtari që ka freskuar listën e Kosovës, pasi Alain Giresse e ka ftuar këtë futbollist në ndeshjet e muajit mars, ndaj Burkina Fasos dhe Zvicrës.
Hajduk 4-0 Lokomotiva (62')
Emir Sahiti makes it 4!!! Great assist by Livaja! pic.twitter.com/Evj7NeELAq
— Everything About HNL (@AboutHnl) March 19, 2022
