Sot nis xhiro e 13-të e Superligës së Kosovës në futboll.
Derbi i sotëm zhvillohet në mes Prishtinës e Llapit që nis nga ora 18:00 dhe do të luhet në “Fadil Vokrri”.
Prishtina momentalisht gjendet në pozitën e tretë me 18 pikë, ku nga pesë ndeshjet e fundit të zhvilluara ka dy humbje, dy fitore dhe një barazim, njofton Klankosova.tv.
Ndërsa Llapi ka 13 pikë të grumbulluara ku në pesë xhirot e fundit i ka dy fitore, dy barazime dhe një humbje.
Kurse, ndeshja tjetër për sot, që nis nga ora 13:00 zhvillohet mes Dritës e Ferizajt në Gjilan.
Drita kërkon tri pikë të plota nga skuadra që mban fundin e tabelës me vetëm tetë pikë, ndërsa Drita e kryeson atë me 27 sosh.