Fadil Demaku, kandidati me numër 19 në listën e Partisë Demokratike të Kosovës (PDK), rikthehet në garën për Kuvendin e Kosovës. Demaku, i cili ka qenë deputet në legjislaturën 2010-2014, shquhet për kontributin e tij si ish-luftëtar i Ushtrisë Çlirimtare të Kosovës (UÇK).
Gjatë kohës së luftës, ai dhe pesë vëllezërit e tij shërbyen si bashkëluftëtarë në betejën për liri. Familja Demaku ka dhënë një sakrificë të jashtëzakonshme për vendin, pasi njëri prej vëllezërve dhe njëra motër e tij ranë dëshmorë në luftë.
Me përvojën e tij në Kuvend dhe kontributin historik për çështjen kombëtare, Fadil Demaku synon të përfaqësojë qytetarët me angazhim dhe përkushtim në mandatin e ri.