Kombëtarja e Anglisë mund të jetë pa mbrojtësin e krahut, Reece James, në ndeshjen e ardhshme ndaj Panamasë, pasi lojtari po vuan nga një tendosje në muskujt e kofshës (hamstring).
Sipas raportimeve të fundit, trajneri Thomas Tuchel nuk pritet të rrezikojë mbrojtësin e Chelseat duke pasur parasysh historikun e tij të gjatë me lëndime, shkruan Indeksonline
Ndërkohë, nën monitorim nga stafi mjekësor është edhe mesfushori Declan Rice, megjithëse gjendja e tij nuk konsiderohet aq shqetësuese sa ajo e James.
Mungesa e mundshme e Reece James do të ishte një goditje për Anglinë, pasi mbrojtësi ka qenë një nga lojtarët më të rëndësishëm në skemat e Tuchel gjatë këtij turneu./Indeksonline