Një vjedhje e rëndë është raportuar të enjten në qytetin e Gjilanit, ku persona të maskuar dyshohet se kanë hyrë me forcë në një qendër tregtare dhe kanë marrë një shumë të konsiderueshme parash.
Sipas raportit 24-orësh, një menaxhere e qendrës ka deklaruar se tre persona të panjohur, të maskuar dhe duke përdorur forcë fizike si dhe mjete të forta, kanë dëmtuar dhe hapur derën e kasafortës.
Nga vendi i ngjarjes, siç thotë PK, dyshohet se janë marrë rreth 12 mijë euro para të gatshme.