Komisioni Disiplinor i Federatës së Futbollit të Kosovës ka publikuar vendimet për xhiron e fundit të zhvilluar në Superligë.
Për lëshim në organizim të ndeshjes Prishtina – Llapi, Prishtina është dënuar me 3000 euro.
Llapi është dënuar me 1000 euro për komunikatën me përmbajtje akuzuese, ofenduese e kërcënuese ndaj gjyqtarit kryesor, Genc Nuza, kurse Feronikeli 74 me 1500 euro për lëndim të portierit vendas nga hedhja e një shishe qelqi në fushë si dhe ndërprerjes së ndeshjes për 12 minuta Feronikeli – Dukagjini e luajtur në Drenas shkaku i konfrontimeve fizike ku siç thuhet në vendimin e Komisionit Disiplinor të FFK-së “dy tre simpatizues tentojnë t’i kalojnë rrethojat dhe të futen në fushë”.