Ish-kryetari i Aleancës për Ardhmërinë e Kosovës, Ramush Haradinaj ka thënë se Beteja e Morinës e vitit 1998 shënoi një kapitull të ri në historinë e luftës çlirimtare në Zonën Operative të Dukagjinit.
Haradinaj, përmes një postimi në profilin e tij në rrjetin social Facebook, ka shkruar se për të kujtuar këtë betejë së bashku me familjarë të dëhsmroëve dhe bashkëluftëtarë kanë ndëruar kujtimin për trimat që u përjetësuan atë ditë: Muhamet Ukshini, Shkëlzen Syla, Blerim Ukshini, Ahmet Pulatani, Fisnik Salihu, Nezir Elezaj, Ymer Bytyqi, Arben Ukshini dhe Sylejmon Abdyli.
Postimi i tij i plotë:
Beteja e Morinës, më 7 korrik 1998, shënoi një kapitull të ri në historinë e luftës çlirimtare në Zonën Operative të Dukagjinit.
Sot, së bashku me familjarë të dëshmorëve dhe bashkëluftëtarë, nderuam kujtimin për trimat që u përjetësuan atë ditë: Muhamet Ukshini, Shkëlzen Syla, Blerim Ukshini, Ahmet Pulatini, Fisnik Salihu, Nezir Elezaj, Ymer Bytyqi, Arben Ukshini dhe Sylejmon Abdyli.
Rënia e tyre ishte një goditje e rëndë për rrjedhën e luftës, por njëkohësisht u bë frymëzim për mijëra të rinj që iu bashkuan radhëve të Ushtrisë Çlirimtare të Kosovës, duke e çuar më tej idealin e shenjtë të lirisë.
Nderim i përjetshëm për luftëtarët e lirisë!