Pasi autoritetet norvegjeze mbajtën një konferencë për shtyp mëngjesin e sotëm në të cilën njoftuan se e njohin Palestinën si shtet, zyrtarët e Qeverisë së Irlandës vendosën për të njëjtën lëvizje.
Ashtu si në rastin e Norvegjisë, njohja do të hyjë zyrtarisht në fuqi më 28 maj dhe ky vendim u konfirmua në emër të Irlandës nga qeveritarët Simon Harris, Micheal Martin dhe Eamon Ryan.
Irlanda u bë vendi i parë që njohu pavarësinë e Palestinës bashkë me Spanjën dhe Norvegjinë, e një vendim të ngjashëm pritet ta marrin në ditët në vijim Malta dhe Sllovenia.
“Unë e prita këtu disa javë më parë Kryeministrin e Spanjës. Momenti tashmë ka ardhur. Sot, Irlanda njeh shtetin e Palestinës. Ne do të ndërmarrim hapat kombëtarë të nevojshëm për të marrë vendimin përfundimtar. Pres me padurim që vendet e tjera të bashkohen me ne”, tha kryeministri Simon Harris në konferencën për shtyp.