Boksieri shqiptar, Jurgen Uldedaj, ka regjistruar fitoren e 20-të në karrierën e tij profesionale në boks, pas një ndeshjeje të fortë kundër boksierit nga Kili, Gerardo Mellada.
Ndeshja u zhvillua në “Co-op Live Arena” në Manchester, një nga arenat më të mëdha të brendshme në Angli, me një kapacitet prej 23,500 vendeve.
Ky ishte një duel i ngushtë mes dy boksierëve, të cilët qëndruan të dy në këmbë deri në fundin e raundit të 10-të. Pas një përballjeje të ashpër, gjyqtarët shpallën fitues boksierin shqiptar me vendim unanim, duke i siguruar atij fitoren e 20-të të karrierës së tij në boksin profesionist.