Telenews

Kapen dy shqiptarë në Greqi dhe Çeki, ishin në kërkim ndërkombëtar

Interpol Tirana në bashkëpunim me homologët grekë dhe çekë, lokalizuan dhe më pas arrestuan përkohësisht në Greqi dhe në Çeki, dy shtetas shqiptar në kërkim ndërkombëtar, me qëllim ekstradimi drejt Shqipërisë.

Si rezultat i shkëmbimit të informacionit me autoritetet greke u bë ndalimi në Kavalai shtetasit Pëllumb Braçe, 63 vjeç, banues në Durrës.

Ky shtetas ishte shpallur në kërkim ndërkombëtar, pasi Gjykata e Durrësit e ka dënuar me 15 vjet burgim, për mashtrim me pasoja të rënda. Pëllumb Braçe, u ka marrë me anë të mashtrimit, shumën 72 mijë euro, 2 shtetasve, duke u premtuar shitjen e një dyqani në një pallat të ri.

Ndërsa në Çeki u arrestua shtetasi Albert Lamaj, 38 vjeç, i cili ishte shpallur në kërkim ndërkombëtar për plagosje të rëndë me dashje. Për këtë shtetas gjykata ka dhënë 2 vjet burgim pasi sulmoi me thikë shtetasin M.Gj.

Interpol Tirana, në bashkëpunim me homologët grekë dhe ata çekë, vijon procedurat për ekstradimin e këtyre 2 shtetasve drejt Shqipërisë. /Telenews.al/

Të ngajshme

Pesë të vdekur dhe mbi 20 të plagosur në aksident rrugor në Gjermani

Hafize Elshani

Shembja e urës në SHBA, zhytësit gjejnë trupat e dy viktimave në kamionin e zhytur në ujë

Hafize Elshani

Një në 10 gjermanë viktimë e vjedhjes së identitetit në internet

Donat Hashani