Këngëtarja Rovena Stefa po tregohet e pandalshme.
Ajo çdo javë është e angazhuar në të paktën dy apo tre mbrëmje muzikore, në mos më tepër.
Sikur të mos mjaftonte një gjë e tillë, edhe TikToku i është bërë një burim goxha i mirë i lekëve.
E kjo po i përkthehet në investime.
Jo shumë kohë pasi është zhvendosur në apartamentin e saj të ri në një prej komplekseve më luksoze në hyrje të kryeqytetit, Rovena ka bërë ‘goditjen’ e radhës.
Ajo është bërë me një shtëpi në një prej lagjeve elitare në periferi të Prishtinës.
Lajmin e ka bërë të ditur përmes rrjeteve sociale duke vulosur në këtë formë se Kosova çdo herë e me të tepër po shndërrohet në shtëpinë e saj të parë.
Për Kosovën, lidhjen e dashurisë me një kosovar që mori fund vjet dhe shumëçka tjetër, Rovi pati folur në një intervistë për emisionin Prive muaj më parë.