Presidentja e Kosovës, Vjosa Osmani, ka deklaruar se Komisioni i Përhershëm drejtues i Asamblesë Parlamentare të NATO-s ka marrë sot vendim për të përmirësuar statusin e Kosovës në këtë organizatë, shkruan Gazeta Sinjali.
Osmani, në një postim në platformën X, ka thënë se kjo do të mundësojë që zëri i popullit më pro NATO në botë të dëgjohet.
“Komisioni i Përhershëm i NATO-s ka marrë një vendim thelbësor për të përmirësuar statusin e Kosovës në Asamblenë Parlamentare si anëtar i asociuar. Kjo do të mundësojë që zëri i njerëzve më pro NATO-s në botë të dëgjohet, ndërsa ne vazhdojmë të bëjmë hapa drejt anëtarësimit të plotë”, ka shkruar Osmani.
