Telenews

KRYEMINISTRI KURTI JEP LAJMIN E MADH: KOSOVA KËTË VIT APLIKON PËR ANËTARËSIM NË BE

Kryeministri i Kosovës Albin Kurti, ka thënë se Kosova do të aplikojë sivjet për anëtarësim në Bashkimin Europian.
Kurti në një intervistë për televizionin zviceran Blick tha se shpreson që këtë vit pesë shtetet mosnjohëse të BE-së të bëjnë hapin e madh drejt njohjes, njofton Klankosova.tv.
“Ne do të aplikojmë këtë vit për t’u bërë anëtare e Bashkimit Europian. Do të ishte shumë mirë që Kosova të pranohet në Këshillin e Evropës dhe në programin e partneritetit për paqe të NATO-s”.
“Ne jemi në kontakt me shtetet mosnjohëse. Katër nga ato janë edhe në NATO: Spanja, Sllovakia, Greqia dhe Rumania. E edhe Qipro që është pjesë e Bashkimit Europian por jo edhe e NATO-s”.
“Shpresoj që këtë vit këto vende të bëjnë hapin e madh drejt njohjes së pavarësisë së Kosovës dhe t’i bashkohet shumicës së vendeve që e kanë njohur pavarësinë e Kosovës, që janë pjesë e BE-së dhe NATO-s”.
Shefi i ekzekutivit theksoi se Kosova ka marrë pjesë vitin e kaluar në “Defender 2021” me shtetet anëtare të NATO-s përderisa Serbia ishte me Rusinë në “Slavic Shield”.
“Kosova ka marrë pjesë në “Defender 2021” nga marsi deri në qershor me 330 ushtarë dhe jemi në mesin e vendeve nikoqire. Përderisa Serbia ka marrë pjesë së bashku me Rusinë në “Slavic Shield” në mesin e tetorit të vitit të kaluar”. /KlanKosova
 

Të ngajshme

Osmani paraqitet e matur për vizat: Vendimi nuk është në duart tona

KushtrimGuraj

Osmani: Dokumenti për dialogun që ekziston është ai i Kosovës me 6 kapituj, dokumente të tjera s’kemi parë

KushtrimGuraj

Gjinovci: Qeveria Kurti po i bllokon paratë për t’i falimentuar kompanitë e regjimit të vjetër

KushtrimGuraj