Shërbimi Korrektues njoftoi çaste më parë se një person është gjetur pa shenja jete, në qelinë e tij në burgun e Dubravës.
Sipas SHKK-së, i burgosuri K.N u gjet i vetvarur.
Burime të IndeksOnline bëjnë me dije se viktima në fjalë është Kushtrim Nimani.
Nimani ishte transportuar në Dubravë, nga rrethina e Skenderajt.
“Menjëherë pas evidentimit të rastit, zyrtarët korrektues dhe personeli mjekësor kanë reaguar me urgjencë duke ofruar ndihmën e parë dhe duke e transportuar të burgosurin për trajtim në Spitalin Rajonal në Pejë.
Pavarësisht përpjekjeve të stafit korrektues dhe personelit mjekësor, i burgosuri ka ndërruar jetë” deklaron SHKK-ja.