Kompania Rajonale e Ujësjellësit “Prishtina” ka njoftuar për gjendjen e dy liqeneve akumuluese, të Batllavës dhe Badocit.
Në njoftim thuhet se Batllava sot është në 634.51m mbi nivelin e detit, ndërsa liqeni i Badocit është 643m mbi nivelin e detit, raporton Telenews.al
“Batllava sot është 634.51 m mbi nivelin e detit dhe vetëm edhe 49 cm që të arrihet niveli maksimal i kapërderdhjes, derisa liqenin e Badocit e kemi më ulët 643 m mbi nivelin e detit ose -6.85 m nën nivelin maksimal të kapërderdhjes”, thuhet në njoftim.
Tutje ata kanë bërë thirrje që uji i pijshëm të shpenzohet racionalisht.