Kombëtarja e Kosovës në futboll tashmë është bërë me trajner të ri.
Franco Foda, pritet të emërohet në krye të shtabit teknik të “Dardanëve”.
Sipas gazetarit Arlind Sadiku, tashmë kjo punë është e kryer.
“Dhe do ta nisë punën që nga muaji i ardhshëm, në ndeshjen miqësore kundër Armenisë”, tha Sadiku.
Gjermani merret me punën e trajnerit qe 20 vjet.
57-vjeçari ka drejtuar tri klube: Sturm Grazin, Kaiserslautern, Zurichun.
Ai po ashtu për katër vjet e ka drejtuar edhe kombëtaren e Austrisë.
Kosova është pa trajner që nga 22 nëntori i vitit të kaluar, kur edhe nga kjo pozitë u shkarkua Primozh Gliha.