Telenews

LAJMI I FUNDIT: AKSION I MADH I IPK-SË, KAQ POLICË PRITET TË ARRESTOHEN

Një aksion i madh i Inspektoratit Policor të Kosovës po zhvillohet në terren.
Gazeta Insajderi, merr vesh se sot prite të arrestohen 26 police në aksionin “Pika 2”. Për këtë edhe Inspektorati ka njoftuar se aksioni po zhvillohet për veprat penale marrje e ryshfetit dhe keqpërdorim i detyrës zyrtare.
Inspektorati Policor i Kosovës respektivisht punonjësit nga të gjitha Departamentet operative të saj në koordinim të plotë me Prokurorinë Speciale kanë filluar sot në orët e hershme të mëngjesit një operacion të gjerë në kuadër të autorizimeve dhe fushëveprimit ligjor të IPK-së.
“Operacionit të sotshëm (i koduar me emrin “Pika 2”) i ka paraprirë një hetim rreth një vjeçar me dyshimin për përfshirje në aktivitete të kundërligjshme të një numri të zyrtarëve policorë lidhur me veprat penale “marrje e ryshfetit” dhe “keqpërdorim i pozitës apo autoritetit zyrtar””, thuhet në komunikatë.
Ky hetim është duke u zhvilluar në koordinim të plotë dhe udhëheqjen nga Prokuroria Speciale të Republikës së Kosovës (PSRK) duke përfshirë edhe masa të fshehta të hetimit.
“Hetimi përfshin edhe bashkëpunim me prokurorë nga SPAK-u (Struktura e Posaçme kundër korrupsionit dhe krimit të organizuar e Republikës së Shqipërisë) dhe zyrtarët e AMP-së Agjencisë për Mbikëqyrje Policore (agjencia homologe e IPK-së në Shqipëri)”, thuhet në komunikatën e IPK-së.

Të ngajshme

Pragë, del fotografia e liderëve të Komunitetit Europian të Macronit

Donat Hashani

3 deri 6 muaj punë në Gjermani, Ambasada me detaje për kosovarët e interesuar

Donat Hashani

Sekuestrohen 83 kg kanabis në Shkodër, në pranga katër persona

Donat Hashani