Inspektoriati Policor i Kosovës në orët e hershme të mëngjesit, sot në bashkëpunim edhe me Prokurorië Speciale të vendit e kanë nisur një operacion që ka të bëjë me hetimin e zyrtarëve policorë të vendit.
Operacionit të sotshëm besohet se i ka paraprirë një hetim rreth një vjeçar me dyshimin për përfshirje në aktivitete të kundërligjshme të një numri të zyrtarëve policorë lidhur me veprat penale “marrje e ryshfetit” dhe “keqpërdorim i pozitës apo autoritetit zyrtar”.
Në njoftimin e IPK-së thuhet se ky hetim është duke u zhvilluar në koordinim të plotë me Prokurorinë Speciale të Republikës së Kosovës (PSRK) duke përfshirë edhe masa të fshehta të hetimit dhe bashkëpunim edhe me agjenci të tjera.