Kylian Mbappé ka pranuar hapur se nuk e ka rishikuar kurrë finalen e dhimbshme të Botërorit 2022 kundër Argjentinës, pavarësisht paraqitjes së tij historike.
Sulmuesi i Real Madridit shënoi një “hat-trick” në atë finale dramatike në Katar, por ndeshja përfundoi me humbje të Francës pas penalltive, 4-2, pas barazimit 3-3.
Mbappé tha në një intervistë se nuk e ka parë kurrë përsëri ndeshjen sepse mund t’i “zgjojë kujtime të dhimbshme”.
“Finalja më e madhe ndonjëherë? Mendoj se nuk ka pasur diçka më dramatike… por nuk e kam rishikuar kurrë. Nëse e shoh, mund të zgjojë disa demonë,” u shpreh ai.
Në atë ndeshje, ai u bë lojtari më i ri që ka luajtur në dy finale të Kupës së Botës dhe i vetmi që ka shënuar tre gola në një finale dhe përsëri ka humbur.
Performanca e tij përfshinte një rikthim të jashtëzakonshëm me dy gola brenda 95 sekondave dhe një gol spektakolar me shpejtësi rekord goditjeje prej 123.34 km/h.
Me penalltinë e tij në kohën shtesë, Mbappé barazoi rekordin historik të Geoff Hurst dhe përfundoi si golashënuesi më i mirë i turneut.
Pavarësisht suksesit individual, finalja mbetet një nga momentet më të dhimbshme në karrierën e tij.