Telenews

Më të mira veturat me benzinë dhe naftë apo ato elektrike? E dini se çfarë thotë studimi?

Veturat e reja elektrike jprishen më shumë se sa modelet me benzin apo naftë, tregon hulumtimi i ri britanik. Hulumtimi i grupit britanik për hulumtimin e kënaqësisë së konsumatorëve ‘Which?’ tregoi se 31 përqind e pronarëve të veturave elektrike raportuan ndonjë problem me automjetin e tyre gjatë katër vitet e para.

Automjetet e prishura elektrike mesatarisht i kaluan nga pesë ditë në servis, krahasuar me 3-4 ditë, sa i kaluan veturat me benzin ose naftë.
Hulumtimi ngre dyshim ndaj perceptimit se automjetet elektrike janë më të besueshme se ato me karburant tradicional për shkak se kanë më pak pjesë lëvizëse. Automjetet elektrike janë më të shtrenjta se sa modelet klasike, për shkak të çmimit të lartë të baterive të tyre.
Prishjet më të shpeshta që u raportuan nga pronarët e modeleve elektrike ishin ato të  softuerit.
“Ne e dimë se shoferët dëshirojnë të kalojnë në vetura që e mbrojnë ambientin, por është shumë e rëndsishme që ata të kenë edhe produkte cilësore,” deklaroi redaktorja e ‘Which?’ Lisa Berber.
Ndryshe, doli se veturat më të besueshme, pavarësisht llojit të karburantit, janë ato komplet hibride, që kanë një bateri dhe që mund të mbushen nga motori klasik i tyre.
Në hulumtimin e ‘Which?’ morën pjesë mbi 48,000 persona, të cilët ofruan dhëna për afro 57,000 automjete , përfshirë këtu 2,184 automjete elektrike.

Të ngajshme

Nuk keni parë koncept më futuristik së ky të Audisë

Donat Hashani

Kjo është data prej kur obligohet vendosja e gomave të dimrit

Donat Hashani

E bleu veturën për “të re”, i doli me 150 mijë km të kthyera

Donat Hashani