Telenews

Memli Krasniqi: Lufta e drejtë e Kosovës, në aleancë me NATO-n detyroi Serbinë të dorëzohej

Kryetari i Partisë Demokratike të Kosovës, Memli Krasniqi në 23 vjetorin e sulmeve të NATO-s theksoi se Lufta e drejtë e popullit të Kosovës, e udhëhequr nga UÇK-ja, në aleancë me NATO-n, e detyroi Serbinë që të dorëzohej dhe mundësoi që Kosova ta fitojë lirinë.
Krasniqi në një postim në Facebook shkruan se qytetarët e Kosovës gjithmonë do të jenë mirënjohës.
Lexoni të plotë postimin:
“23 vite më parë, forcat aleate të NATO-së nisën fushatën ajrore të bombardimit të Serbisë e Jugosllavisë, për t’i dhënë fund regjimit pushtues e gjenocidal të Sllobodan Millosheviqit.
Për të nderuar sakrificën dhe luftën e gjithë ushtarëve të NATO-s që ishin pjesëmarrës të Operacionit Forca Aleate, së bashku me Kryetarin e Prizrenit, Shaqir Totaj, bëmë homazhe në Prizren, tek pllaka përkujtimore e pilotëve amerikanë, David Gibbs dhe Kevin Reichert, të cilët dhanë jetën në këtë mision mbrojtës për popullin tonë.
Lufta e drejtë e popullit të Kosovës, e udhëhequr nga UÇK-ja, në aleancë me NATO-n, e detyroi Serbinë që të dorëzohej dhe mundësoi që Kosova ta fitojë lirinë – e sot të jetë e pavarur dhe aspiruese që të bëhet pjesë e aleancës veri-atlantike. Gjithmonë mirënjohës!”.

Të ngajshme

Akademi përkujtimore në mbështetje të Luginës së Preshevës

Donat Hashani

Imami i Qabesë në Kosovë, Myftiu doli e priti në Aeroport

Donat Hashani

Shpërthen Mero Baze: Vjosa Osmani u pa në OKB që e urren me shpirt Edi Ramën, edhe kur ai e mbron Kosovën

Donat Hashani