Telenews

MINISTRJA HAXHIU NËNSHKRUAN TRAKTATIN PËR TRANSFERIMIN E TË BURGOSURVE NGA DANIMARKA

Nënshkruhet Traktati për transferimin e të dënuarve nga Mbretëria e Danimarkës në Republikën e Kosovës me qëllim të ekzekutimit të dënimeve daneze
Ministrja e Drejtësisë Albulena Haxhiu dhe homologu i saj nga Danimarka Nick Haekkerup, sot nënshkruan Traktatin i cili i hap rrugë bashkëpunimit ndërmjet dy vendeve në avancimin e shërbimeve korrektuese, përkrahjen e projekteve për energji të gjelbër dhe promovimin e sundimit të ligjit.
Nënshkrimi i Traktatit pason nënshkrimin e letër-qëllimeve ndërmjet ministrave të drejtësisë dhe ekonomisë së të dy vendeve me datën 21 dhjetor 2021, i cili shpreh përkushtimin për zgjerimin e bashkëpunimit politik dhe zhvillimor, duke nxitur dhe thelluar tutje partneritetin ndërmjet dy vendeve, në fusha me interes të përbashkët.
Ndryshe, një qendër e paraburgimit që gjendet në Pasjak të Gjilanit, pritet të jetë vendi ku do të vendosen 300 të burgosur danezë së paku për 10 vjetët e ardhshëm, pasi Kosova dhe Danimarka nënshkruan vitin e kaluar një letër-pëlqim, sipas të cilit 300 qeli burgu të Kosovës do t’i jepen në shfrytëzim Danimarkës.
Për këtë huazim, Kosova pritet të përfitojë 210 milionë euro gjatë dekadës së ardhshme.

Të ngajshme

IKShPK: Regjistrohen 8 raste të Kollës së mirë në Kosovë

Hafize Elshani

Konjufca: Mazhoranca s’ka vullnet që vendi të shkojë në zgjedhje përmes dorëheqjes së Qeverisë

Hafize Elshani

Arrestimi i pronarit të “shkollës online” në Gjilan, detaje të reja për operacionin policor

Hafize Elshani