Në seancën gjyqësore që po zhvillohet për rastin e vrasjes së Liridona Ademajt, mjeku ligjor Naim Uka deklaroi para trupës gjykuese se ekzaminimet mjekoligjore kanë konfirmuar se ajo është vrarë dhe jo që vetë ka kryer aktin.
Ai theksoi se pas ekzaminimit të kujdesshëm të trupit është përjashtuar mundësia që ajo të ketë përdorur armë: “Liridona s’ka bërë vetëvrasje”.
Sipas Uka-s, në raste të ngjashme, kur nuk ka të dhëna paraprake nga vendi i ngjarjes, bëhen ekzaminime të hollësishme të shuplakave të duarve të të ndjerës për të identifikuar praninë e faktorëve plotësues të qitjes.