Mobiliteti i së nesërmes: Goma të printuara në 3D dhe një automjet me rrota sferike
Hankook ka zbuluar dy studime futuriste për mobilitetin. Prodhuesi i gomave Hankook prezantoi dy koncepte të reja në eventin e tij të brendshëm “Dita e Inovacionit në Dizajn”.
Së pari, është një gomë konceptuale e qëndrueshme, e cila krijohet shtresë pas shtrese në një printer 3D, transmeton Telegrafi.
Ajo bazohet në lëndë të para të ricikluara dhe të rinovueshme dhe “përmban një dizajn organik me forma të bazuara në parimet e efikasitetit natyror”.
Prototipi u zhvillua së bashku me partnerin inxhinierik Harvestance duke përdorur softuerin e dizajnit NTop.
