Një prej legjendave më të njohura shqiptare do të vijë së shpejti në ekranin e madh, ndërsa filmi i ri i Turjan Hyskos, “Muji dhe Halili”, ka zbuluar edhe dy emra që kanë tërhequr vëmendjen e publikut.
Capital T dhe Adrola Dushi do të jenë pjesë e këtij produksioni, duke surprizuar fansat me përfshirjen e tyre në një projekt që rikthen në jetë figurat legjendare të ciklit të Kreshnikëve.
Nga pamjet e para, “Muji dhe Halili” duket se ndërton një atmosferë ku historia, lufta, frika dhe misteri ndërthuren.
Ngjyrat e ftohta, mjegulla, kostumet e epokës dhe figura e kalorësit krijojnë ndjesinë e një bote ku kufiri mes reales dhe legjendës mund të jetë shumë i hollë.