Deputeti i betuar i Lëvizjes Vetëvendosje, Hekuran Murati, ka bërë disa akuza me aludime të devijuara ndërsa ngrit paralele për konstituimin e Kuvendit në Kosovë, me atë të Bundestagut Gjerman.
Ai specifiksht ka përmendur zgjedhjen Friedrich Merz kancelar të ri gjerman, për të cilin faktikisht që nga raundi i parë u praktikua votimi i fshehtë, dhe jo siç pretendon Murati, që deputetët në Kosovë, të marrin shembullin e njëjtë, meqë insistimi i partisë së tij, për votim të fshehtë u propozua pas disa tentimeve për konstituim meqë s’e kanë shumicën.
”ME VOTIM TË FSHEHTË, Bundestagu Gjerman sapo votoi për Kancelarin Friedrich Merz.
Votimi i fshehtë është formë demokratike për shprehje të vullnetit të lirë të deputetëve, dhe do të mundësonte zgjidhjen e ngërçit për konstituim të Kuvendit edhe tek ne.
Bllokada që opozita po vazhdon t’ia bëjë konstituimit të Kuvendit është jashtë çdo arsyeje.
Është për t’u marrë shembull sjellja e partive gjermane, që, megjithëse votimi për Kancelar në herën e parë dështoi të prodhonte rezultat, askush nuk e bëri temë ndërrimin e kandidatit dhe askush nuk kërkoi qeveri tranzicioni”.
Kujtojmë që Friedrich Merz, arriti të zgjidhet kancelar me raundin e dytë të votimeve, ndërsa ende mbetet pikëpyetje se kush nga deputetët e Bundestagut, refuzuan ta votonin në raundin e parë të sesionit.