Telenews

NDALET PRODHIMI I IPHONE-VE NË DY FABRIKAT NË KINË

Pegatron është bërë kompania e fundit teknologjike, e cila ka ndalur operacionet për prodhim të telefonave të kompanisë amerikane Apple, iPhone, për shkak të masave të izolimit në Shangai.
Kompania ka thënë se ka pezulluar përkohësisht prodhimin në dy fabrikat e saj në Kinë.
Ky njoftim vjen pasi autoritetet kanë lehtësuar disa prej kufizimeve për coronavirus në Shangai më 12 prill.

Kjo ka nënkuptuar që disa prej 25 milionë banorëve të qytetit mund të largohen nga shtëpitë e tyre pas disa javëve.
Qyteti është izoluar në fund të muajit mars, pasi numri i infektimeve është rritur në kryeqytetin financiar të Kinës.
Pegatron ka thënë se ka ndalur punën në fabrikat në Shangai dhe Kunshan “si përgjigje ndaj masave parandaluese për COVID-19”.
Kompania ka thënë se do të punojë me autoritetet “për t’iu rikthyer punës sa më shpejt që është e mundur”.

Edhe dy kompani tjetër, Quanta dhe Compas Electronics, të cilat prodhojnë pajisjet MacBook dhe iPad të kompanisë Apple, kanë pezulluar po ashtu punën, ka raportuar media japoneze, Nikkei./REL

Të ngajshme

Tesla prezanton robotin e saj humanoid që ka çmim prej ‘më pak se 20 mijë euro’

Donat Hashani

Pamjet tronditëse të kamerës shfaqin momentin kur shoferi përplaset qëllimisht me furgonin

Portali Telenews

Debutimi i Porcshe në bursë thyen rekordin 25 vjeçar

Portali Telenews